Nagkulob ang isa ka motorbanca nga may karga nga 40 ka sako sang semento sa baybayon sang Sipaway Island sa San Carlos City, Negros Occidental, sadtong Sabado, Oktubre 31.
Tigayon nga na-rescue sang San Carlos Bantay Dagat, San Carlos Disaster Risk Reduction and Management Office kag San Carlos PNP Maritime Group ang duha ka mga mangingisda.
Sakay sang motorized banca nga Skyler ang mga mangingisda gikan sa San Carlos Fish Port kag padulong kuntani sa Sipaway Island.
Suno sa Coast Guard Station Northern Negros Occidental, naka-encounter sang engine failure ang banca kag tungod sa mabaskog nga current kag dalagko nga balod, nagkulob ini.
Yara na sa maayo nga kahimtangan ang duha ka mga na-rescue nga mangingisda, samtang ginguyod naman ang banka pakadto Sipaway Island.
[sibwp_form id=1]