Duha ka Malaysian national nga ginatudlo may kaangtanan sa operation sang “love scam” nadakpan sa Barangay Singcang-airport sa Bacolod City.
Ginsiling ni CIDG Bacolod Head Police Major Justin Josol nga malapit duha ka tuig nga nag-arkila sang balay ang mga suspek nga amo ang ila ginhimo nga studio para maniplang sang mga biktima nga mga foreign national paagi sa online dating app.
Sa bulig sang mga tag-reklamo nga anay empleyado sang mga suspek natigayon nga napatuman ang joint operation sang CIDG upod sa BCPO kag DSSD nga nag-resulta sa pagkatikma sang duha ka foreigner.
Na-rescue man sa joint operation ang lima ka mga trabahador nga gina-alegar gin-pwersa nga ginapaubra sang mga suspek.
Na-recover ang mga laptop kag iban pa nga electronic gadget nga ginagamit sa iligal nga operation. Pasakaan sila ang kaso angut sa human trafficking.
Nagapanawagan ang pamunuan sang CIDG sa iban pa nga trabahador kag mahimo nabiktima ang mga suspek nga magreklamo agud mapasaka ang dugang pa nga mga kaso.