Naga-inom inom man lang kuntani sa isa ka restobar sa syudad sang Kabankalan ang duha ka mga forester nga lunsay mga South African nationals sang sila ang napilasan matapos isa sa ila ang ginsumbag kag ang isa naman ang ginlampusan sang botelya sa ulo, Domingo sang kaagahon.
Base sa imbestigasyon sang kapulisan, may nasalapay ang isa sa mga foreigners sang sila ang pasulod sa restobar.
Wala nag huna-huna ang mga foreigners nga samtang naga-inom, sila ang ginkadtuan sang mga suspek, nga gulpi lang nag-atake sa ila.
Nadakpan ang isa sa duha ka mga suspek nga si alyas John Philip, 31-anyos kag nakuhaan pa ini sang sundang.
Ginsiling ni Police Lt. Col. Roberto Indiape Jr., hepe sang Kabankalan PNP, nakapalagyo ang upod ni John Philip apang may identity naman ang kapulisan.
Ugaling, suno kay Indiape, wala na sang plano ang mga foreign nationals nga magpasaka pa sang kaso tungod magapauli na sila sa ila pungsod sa masunod nga bulan.
Naga-edad 44 kag 46 ang nasambit nga mga foresters.