Duha ka mga Engineers sang probinsya sang Negros Occidental ang ginpaidalom sa preventive suspension may kaangtanan sa gina alegar mismanagement kag corrupt practices sa Silay Oxygen Plant nga ila sadto gina pamunuan.
May 14, nagsugod ang 60 day-preventive suspension sang duha ka mga engineer sa idalom sang Provincial Engineer’s Office kag pareho nga sadto nagserbe Head, sang Silay Oxgen Plant nga nahamtang mismo sa compound sang Teresita Lopez Jalandoni Provincial Hospital base sa mando ni Governor Eugenio Jose Lacson.
Sila ang pormal naman nga na-charge sang gross neglect of duty, grave misconduct, serious dishonesty kag conduct prejudicial to the best interest of the service.
Paathag ni Provincial Legal Officer, Alberto Nellas, Jr., sa gin patigayon nga inspection sa tion sang turnover sa General Services Office natukiban may mga accessories, ancillary components kag medical equipment nga missing kag unaccounted.
May mga gin-process nga disbursement voucher para sa preventive maintenance services pero sa pag usisa wala man ini napatuman.
Bilang mga pamuno may kapaslawan sa ila nga bahin sa pag manage sang oxygen plant nga nagresulta sa deterioration sang mga machinery kag bisan pa ang pag deliver sang probinsya sang reliable medical oxygen services.
Suno kay Nellas gina hulat na lang sang probinsya ang ila nga sabat kun bala pilion nila ang isa kag formal hearing ukon maga submit sila sang position paper.
Gintunguhaan sang Digicast Negros nga makuhaan sila sang ila nga bahin pero as of press time wala sila malambot.*
[sibwp_form id=1]