May 115 ka mga regular kag job order employees sang nagkalain-lain nga mga talatapan sa San Carlos City ang gin paidalom sa random drug test sang Martes.
Ang drug testing ang ginpamunuan sang San Carlos Anti Drug Abuse Council sa tuyo nga mapabilin ang isa ka drug free workplace angut man sa guidelines sang Civil Service Commission.
Suno kay Mayor Renato Gustilo negatibo sa pag gamit sang iligal nga droga ang batch nga gin paidalom sa testing sang Martes.
Ugaling suno sa iya may duha ka mga regular employees nga gina alegar naglikaw sini.
Ginpangita sila kag gintawgan suno kay Gustilo pero ini sila ang wala nagsabat.
Iga refer sa City Legal Office ang amo nga kaso para sa legal action suno kay Gustilo.
Ang duha ang may history na sa drug use. Nag paidalom naman sadto sila sa rehabilitation.
“Ini sila may mga record na ni sila nga drug use. Ang isa ni gikan na ni sya nag positive dason nag pa comply requirements for rehab. Amo na pag balik niya sige. I am now consulting with the legal office kun ano ang himuon ta. Kun mag kwan ang legal filan kaso filan namon kaso”, suno kay Gustilo.