Pag lock down sang duha ka mga barangay sa banwa sang Hinigaran kun sa diin may mga pig deaths nga na tukiban ang ginmando sang alkalde.
Pag gwa sulod sang baboy sa Barangay Anahaw kag Cabuhug ang wala na gintugot suno kay Mayor Nadie Arceo.
Gina baton ni Arceo nga ang pito ka mga baboynga nagpositibo sa African Swine Fever sa Victorias City ang gikan sa Anahaw.
Paathag niya may clearance gikan sa Provincial Veterinary Office ang pag baligya sang baboy saVictorias City bangud wala man sang may na record nga pataynga baboy sa amo nga barangay.
Pero ila natukiban nga may nagkalamatay na nga baboy sa Anahaw humalin pa sang Mayo pero wala ini na report.
Gintago suno sa iya sang hog raisers nga may pig deaths.
“Nagbakal di baboy ang taga Victorias, ginhatagan clearance sang Provincial Veterianry Office diri, tungod wala man record diri sa amon banwa sa Anahaw nga may napatay nga baboy. In good faith nag-issue sang clearance nga maayo ang baboy. So ginbakal sang buyer. Pag abot sa Victorias, gin-testingan, gin padala sa regional office sang Agriculture, nag-test positive”, suno kay Arceo.
Sa kaiping nga barangay sang Cabahug may 16 pig deaths.
Sumugod naman subong nga adlaw sa slaughterhouse na ang pag ihaw sa mga baboy sa Hinigaran.
125.3 million pesos na ang balor sang kahalitan nga natuga sang pig deaths sa June 7 nga report sang Office of the Provincial Agriculturist.
Samtang, sa Sipalay City, ang ASF Task Force nga ginapamunuan ni Mayor Gina Lizares ang nagsapol para matalakayang biosecurity kag pagpanghanda para mapangapinan ang siudad gikan sa masakit sang baboy.
Sa Toboso naman may 134 ka pack sang chorizo nga naga balorsang 4,500 pesos ang na confiscate sa spot inspection samerkado. Ini ang nag gikan sa Bacolod. Ini ang dispose paagi sapaglubong.