Nadulaan sang puluy-an ang 95 kag 71 anyos nga mga lola matapos ang nagluntad nga sunog sa likod sang old city hall sa Gamao Street, Purok Begonia 1 sa Barangay Balintawak, Escalante City, Huwebes nga adlaw, Hulyo 16.
Base sa report sang Bureau of Fire Protection-Escalante, duha ka mga pamalay nga ginapanag-iyahan sang mga tigulang, ang totally destoryed kag isa ka business building ang partially damaged.
Wala naman sang may nasamaran sa insidente.
Madasig nga ginlamon sang kalayo ang mga balay nga himo sa light materials.
Nagtinguha ang pila ka mga persona nga patyon ang kalayo paagi sa pagbasya sang tubig.
Padayon pa ang imbestigasyon sa gintunaan sang sunog.
Suno sa BFP-Escalante, pinakauna ini nga tion nga may nagluntad nga sunog sa nasambit nga purok.
[sibwp_form id=1]