Gintupok sang kalayo ang duha ka pamalay kag napulo ka mga stalls nga gina gamit bilang kalan-an kag baligyaan sa Katalbas-Osmena Street sa Barangay 1 sa siudad sang Sagay kahapon sang kaagahon.
Sa imbestigasyon sang Sagay BFP, ang kalayo ang nag sugod sa napabay-an nga uling nga nagabaga pa, sa isa ka kalan-an.
Nag lapta ang kalayo sa mga kaiping nga stalls lakip na ang duha ka pamalay sa tupad sini.
Nag lab-ot sa 200 mil pesos ang halit nga gin tuga sang sunog.
Wala man sang may na report nga nasamaran sa natabo.