Magapabilin bilang opisyales sang Emergency Operations Center ang duha sa mga kandidato sang grupo progreso sa pagkakonsehal.
Bisan pa nagsugod na ang lokal nga kampanya magapabilin gihapon sanday Em Ang bilang executive director sang Bacolod Emergency Operations Center kag Dr. Cris Sorongon nga deputy for medical data and analysis sang EOC.
Si Ang kag Sorongon ang lunsay nagaserbe nga volunteers sa EOC.
Sila ang pila lang sa labi nga ginapabugal ni mayor evelio leonardia bangud nangin instrumental sila sa kampanya kontra Covid-19 asta nga napabilin alert level 1 ang Bacolod.
Sandig sa pagsulundan sang comelec ginakabig resigned sa pwesto ang mga appointees sa ila pag file sang certificate of candidacy.
Pero suno kay Atty Revo Sorbito, acting election officer sang Comelec Bacolod, naga-depende man sa appointment sang kandidato ang pagbiya sa pwesto, ilabi na kun naga serbe ini sa kapacidad bilang volunteer ukon consultant.