Shadow

2 dakop sa buybust operation sa parking area sang isa ka mall

BCPO photo

Lalaki kag isa ka senior citizen nga babaye nga bago lang ka gwa sa presuhan, arestado matapos makuhaan sa iligal nga droga sa parking lot sang isa ka mall sa Bacolod

Dakop sa buybust operation sang kahapon ang duha ka persona matapos sila makuhaan sang isa ka plastic bag sang shabu sa buybust operation sa parking lot sang mall sa Bacolod.

Ang mga naaresto amo sanday Jose Carlos, 21 anyos kag Susana Diaz, 62 anyos, nga lunsay mga high value individal.

Isa ka gatus nga gramo sang suspected shabu nga gina bulubanta naga balor sang 680,000 pesos ang nakuha sa duha ka suspek.

Suno sa hepe sang Police Station 2 nga si Captain Paul Vincent Pendon, si Diaz ang isa ka bulan pa lang naka gwa sa presuhan bangud sang kaso man may kaangtanan sa iligal nga droga. Iya upod karon sa iya mga transaksyon si Carlos nga naga kwa man sadto sang mga items sa iya.

Dugang pa ni Pendon, gikan pa muntinlupa ang mga items nga gina kuha ni diaz kag gina imbestigaran pa ini karon sang PNP.

Kaso nga pag lapas sa RA 9165 ang ipasaka batuk sa ila.

Leave a Reply

Your email address will not be published. Required fields are marked *

Secured By miniOrangeSecured By miniOrange