Padayon karon nga gina bulong sa ospital ang duha ka babaye nga sakay sa motor matapos nga mabungguan kaina sang aga sang bus sa dalan sang Barangay Sag-ang sa banwa sang La Castellana.
Ang mga biktima amo sanday Lea Ibañes kag Lackmvir Kaur nga lunsay mga taga Bacolod.
Suno sa pulis, nag agi sa gina kay-o nga dalan ang motor kag gina sundan ini sang Ceres Bus.
Posible nga na alang-alang ang motor kag gulpi nag pondo bangud mahimo indi man sini sunado ang dalan, amo kun ngaa nabungguan sila sang naga sunod nga bus.
Gilayon man sila nga gin dala sa ospital kag karon stable naman ang ila kondisyon suno sa pulis.