Nabaklan sang iligal nga droga ang duha ka mga persona nga gin-alegar imbulbado sa illegal drug trade sa pila ka mga barangay sa Bacolod City.
Nakuha sa ila ang 110 grams sang suspected shabu nga nagabalor P748,000.
Ginpatigayon ang buy-bust sang katapo sang City Drug Enforcement Unit sa Purok Kabuhi, Barangay 10 sa Bacolod.
Ginkilala ang mga gindakup nga sanday alyas “Wen”, isa ka high value individual, naga-edad 56 anyos kag residente sang Brgy. 10.
Dakop man ang iya upod nga si alyas “Pat,” 37 anyos kag residente sang Brgy. 8 sa Bacolod. Ginakabig si alyas “Pat” nga street level individual.
Kaso nga pagsupak sang Republic Act 9165 ukon ang Comprehensive Dangerous Drugs Act of 2002 ang paga-atubangon sang mga gindakup.*