Sa survey nga ginpatigayon sang City Administrator’s Office, may 215 tanan ka mga approved slots ang sarang magamit sang 193 ka mga sidewalk vendors nga na validate sang local market committee kag socio economic enterprise unit sang Bacolod.
Ang yara sa ila masterlist amo lang ang tugutan maka-kuha sang registrationkag permit agud makapadayon sa pagbaligya sa kilid sang dalanon.
Magakuha man sila sang sanitary permit kag yellow card sa City Health Office.
Suno kay Councilor Celia Flor kabahin ini sang pagpasiguro sang proper food handling ilabi na nga kalabanan sa ila mga nagabaligya sang pagkaon.
Kabahin sa mga na-identify nga mgalugar para sa mga sidewalk vendors amo ang Gallardo Street malapit sa University of St. La Salle, North Capitol Road asta sa bahin sang Aguinaldo Street.
Iga-regulate man sang siudad ang mga manugbaligya sa downtown area, nalakip diri ang sa Gonzaga, Luzuriaga, Gastulao, Ballesteros kag Bonifacio Streets pati na ang yara sa sulod sang Bacolod Public Plaza.