19 ka mga illegal structure sa sidewalk sakop sang North Capitol Road sa Bacolod City ang gin pang kakas.
Ang operation ang ginpamunuan sang enforcement team sang Bacolod City Legal Office kaupod ang Safety and Security Division sang Negros Occidental sini nga adlaw.
Suno kay Rey Demisana, ang pamuno sang enforcement team ini ang kabahin sang ila nga clearing operation nga naga tuyo sa pag ligwa sang mga dalanon gikan sa ano man nga obstruction nga naga apekto man sa dalagan sang trapiko.
Suno sa iya ang mga illegal structures sa lugar ang ginpadangat sa ila nga atensyon. Si Jolly Martinez nga isa sa mga naga panag-iya sang baligyaan nga ginkakas, nagsiling nga masobra man sa isa ka tuig sila nga naga plastar sa amo nga lugar.
Kuntani ginhatagan man lang sila sang notice.
Verbal lamang ang pagpahibalo sa ila. Pero, voluntary naman sila suno sa iya nag pangguba kag naghimos sang ila nga kagamitan.
Suno kay Demisana, padayon ang clearing operation sang siudad kag ang bahin sa mga nagabiye nga trisikad sa indi naga kaigo nga lugar ang ila nga ipatuhoy sa BTAO.