Ginapaabot ang dugang pa gid nga signature sheets nga iga submit sa talatapan sang Commission on Elections angut sa ginaduso nga People’s Initiativge sa pag ligwat sang konstitusyon.
Suno kay Provincial Elections Supervisor, Ian Lee Ananoria, may nagpabatyag gikan sa Fifth District nga sa Lunes sila maga submit man sang ila nga signature sheets. As of January 18, may 182, 447 ka lagda ang na submit gikan sa 15 ka banwa kag siudad sa probinsya.
Sa datus sang Comelec, ang Bacolod may yara sang 69,098 ka lagda, Calatrava -11,726, Escalante – 11,458, San Carlos – 10,811, Manapla – 6,205, Sagay – 15,052,
Murcia – 4,529, Silay – 5,904, Talisay – 4,927, Bago – 7,725, La Carlota – 7,376, Pontevedra – 3,969, Cauayan – 6,848, Ilog – 6,609 kag Sipalay – 10,210.
Gina batun sang Comelec Offices ang mga signature sheets kasubong sang pag baton nila sang mga correspondence. Gina certify lamang nila nga ini ang ila nabaton. Tubtob nga may order gikan sa en banc kun ano ang ila nga masunod nga himuon, for safekeeping ang pagbaton nila sang mga signature sheets.