Nagpadala ang Visayas Regional Joint Security Control Center (RJSCC 7) sang dugang nga tropa sa Negros Oriental agud pabaskugon pa gid ang PNP kag Army forces para mapatuman ang malinong nga Barangay kag Sangguniang Kabataan Elections sa probinsya.
Gin-dispatch ni AFP Visayas Command Commander, Lt. General Benedict Arevalo ang 181 ka security personnel sa Commission on Elections-Region 7.
Ginpatigayon ang turnover of troops sa Camp Leon Kilat, Evacuation Center sa Barangay Sta. Cruz Viejo, Tanjay City sa Negros Oriental kahapon nga adlaw.
Sa 181 nga security forces, 131 diri ang nalakip sa Joint Task Force Storm sang AFP Visayas Command, 29 ang gikan sa Philippine National Police, kag 39 ang halin sa Philippine Coast Guard.
Kabahin ang deployment sang dugang nga tropa sa ginpabaskog nga security operations sang RJSCC 7 agud malikawan ang ano man nga election-related violence, ilabi na nga may history sang mainit nga political rivalry sa Negros Oriental.
Ang Negros Oriental ang ginpaidalom sa COMELEC control.