Halos 1,800 ka ektariya sang katubuhan sa Negros lakip na sa Iloilo kag Capiz ang apektado sang RSSI.
Sa datus sang Sugar Regulatory Administration as of May 29, may 1,788.93 ka ektariya sang katubuhan ang na igo sang red striped soft scale insect.
Pina ka malapad nga area nga nahalitan ang yara sa Central kag Northern Negros – 880 hectares. Kag naga sunod naman ang sa South Negros nga may 765 hectares nga nahalitan.
May mga katubuhan man nga apektado sang RSSI sa Negros Oriental, Iloilo kag Capiz.
Suno sa SRA 869 ka mga sugarcane farmers ang apektado.
Ang CONFED ang nag panawagan na sa SRA kag Department of Agriculture nga tutukan ang RSSI infestation. Kuntani suno sa CONFED mag patuman sang tikang ang mga ahensya para matapna ang paglapta kag pag panghalit sang amo nga peste.
Suno kay DA Regional Director Albert Barrogo naga hulat siya sang datus man gikan sa SRA. Pero ang mga mangunguma nga apektado sang RSSI ang dapat mag pakig-angut sa mga MDO ukon mill district offices bangud ang mga chemicals kontra sa RSSI ang yara na sa sini nga mga talatapan.
Sa Bais City sa Negros Oriental gina patuman ang spraying sa mga apektado nga katubuhan sa idalom sang Bais-URSUMCO.
“Ang akon gina advise ang farmer nga affected maki pag coordinate sa MDO nila kay as far as support sa SRA naka position sa mga MDO ang mga chemicals nga gina gamit nila para sa RSSI”, suno kay Barrogo.*
[sibwp_form id=1]