Bangod sang pag-inulan sa nagligad nga semana, nagadako ang litik sa duta sa Sitio Manaol Barangay Quintin Remo gani gina lantaw ang posibilidad nga may matabo nga landslide kung magpadayon pa gid ang pag inulan.
Gani may may 18 ka pamilya ang maapektuhan kung mag landslide sa damo nga bahin sang Sitio Manaol.
Gin abisuhan na ang mga pumuluyo nga magtinir anay sa balay sang ila mga paryente nga malayo sa nasambit nga danger zone.
Ang mga wala naman sang may masayluhan, pwede magtinir anay sa Evacuation Center sang banwa.
Ang lokal nga panguluhan mahatag sang libre nga transportasyon sa mga pumuluyo nga apektado kung may mga importante nga kuluhaon sa ila nga balay.
Suno kay Mayor Ella Garcia-Yulo, kinanglan i isolate ang lugar para sa safety sang mga pumuluyo.
Ginkadtuan kahapon sang alkalde ang lugar kaupod ang MDRRMO sang kahapon para ma assess ang sitwasyon.