Dugang nga 18 ka mga buluthuan sa DepEd Negros Occidental Division ang gin aprobahan para sa limited face to face classes.
Suno kay Ian Arnold Arnaez ang spokesperson sang DepEd Negros Occidental Division ang dugang nga 18 ang gin aprobahan sang DepEd Regional Office sadtong Abril 25 lamang.
Ini sila ang maga sugod sa ila tagsa ka mga klase base sa ila gintalana nga mga schedule. Sa karon suno kay Arnaez, may 28 ka mga eskwelahan pa nga ila man nga gina validate.
Sa 28 ka mga buluthuan, 27 ang mga public school kag isa ang private school. Mahimo sini naman nga semana paga sugdan sang DepEd ang validation sang sining 28 ka mga eskwelahan.
Sa karon 55 na ka mga eskwelahan sa idalom sang DepEd Negros Occidental division ang aprobado sa limited face to face classes.
“They have to set sang ila nga date kun san-o sila ma open. We will validate another 28 naman, sugod siguro sini nga semana,” suno kay Arnaez.