May tatlo na ka mga dugang nga doktor sa Bacolod City Health Office nga natalana iga-assign sa pila ka mga barangay health centers sa Bacolod.
Suno kay Councilor Claudio Puentevella, luyag sang Benitez administration nga butangan sang permante nga doktor ang mga barangay health center gani posible sa madasun nga tuig magadugang ang siudad sang 18 pa ka mga doktor para sa kabarangayan.
Si Puentevella nga chairperson sang Committee on Health sang konseho ang nagapati nga kinahanglan ang doctor nga mapalapit sa kabarangayan ilabi na karon nga nagasaka ang kaso sang dengue kadungan sang pagsaka man sang Covid 19 cases.
Ginaduso man karon sang konsehal ang panawagan sa konseho para mapabaskog ang mga tikang batuk sa dengue kag Covid 19 pinaagi man sa vaccination program sa mga kabarangayan kaupod ang mga nagkalain lain nga ahensya sang gobyerno.