Sa una nga semana sang Marso may 1,700 ka mga baboy ang napadala sang Negros Occidental sa Luzon.
Ginapaabot nga sa bulan sang Marso suno kay Dr Renante Decena ang provincial veterinarian maga lab-ot ini sa sais mil.
Sang bulan sang Pebrero 2,248 lang ang napadala sang probinsya sa Luzon.
Ang pagnubo tuga sang epekto sang price cap nga ginpatuman sa Metro Manila rason nga nagdiutay ang kadamuon sang baboy nga ginbakal.
Ini man ang rason nga nagnubo ang presyo sang baboy sa mga merkado sa Bacolod kag probinsya bangud sang pagsaka sa supply.
May 5,000 tubtob 10,000 ka baboy ang excess sang probinsya.
Pero sa karon nga Marso suno kay Decena liwat nga nagbalik ang demand kag ini ang gikan sa mga probinsya sa Luzon nga wala nalakip sa National Capital Region.