Pilason ang 17 ka persona sa matapos mag rekta bunggo sa naga parking nga salakyan kag mag rekta sa kilid sang dalan ang ila nga van kahapon sa highway sa Barangay Tibsoc sa San Enrique.
Sa report sang San Enrique PNP, ang driver sang van nag siling nga gulpi nag U-turn ang iya sini gina sundan nga tricycle gani na alang alang siya kag nag likaw sa kilid sang dalan kun sa diin naka parking ang awto.
Matapos mag bunggo sa awto, iya man nabungguan ang isa pa ka trisikol nga naga parking kag nag rekta sa puno sang kahoy sa kilid sang dalan.
Wala man sang malubha nga nasamaran sa 17 ka sakay sang van suno sa pulis.