Ginkilala sang Department of the Interior and Local Government ang 17 sa 32 ka mga barangay sa Kabankalan City matapos nila nga ma-sustain ang “drug-cleared” status.
Ini nga mga barangay amo ang barangays 2, 7, 8, Camansi, Camingawan, Camugao, Carol-an, Daan Banua, Inapoy, Linao, Oringao, Orong, Pinaguinpinan, Locotan, Tampalon, Tan-awan kag Tapi.
Ang ginkilala nga mga barangay ang naghimo sang tikang agud mahatagan solusyon ang substance abuse, ang mga anay PWUDs ukon Persons Who Use Drugs ang nakatapos sang ila community rehabilitation programs kag nag-negatibo sa random drug testing.
Sila ang nakabaton sang cash incentives gikan sa siudad sa ila pagpaninguha kag dedikasyon nga amat-amat nga madula ang iligal nga droga sa ila tagsa ka barangay.
Pila ka parameters nga gin-set sang mga ahensya sang gobyerno agud ma-retain ukon mangin drug-cleared ang status sang barangay, amo nga kinahanglan wala sang drug laboratories, kilala nga pushers, manufacturers, financiers kag users sa lugar.*