Nasapwan na lamang ang bangkay sang 17 anyos nga estudyante nga naga hublas na sa kampo sa Purok Masinolondon Brgy. Magsaysay siudad sang Cadiz kaina sang aga.
Ang gina tudlo nga suspek nga nagpatay sa iya amo man ang iya 62-anyos nga lolo nga amay sang iya manding ukon stepfather.
Suno sa kay Police Lieutenant Colonel John Joel Batusbatusan ang hepe sang Cadiz City PNP, gin report sang mga ginikanan sang dalagita nga nadula siya sang Domingo.
Suno sa pulis, ginapangita sang pamilya ang dalagita kag pinaagi sa bulig sang mga tanod sa lugar nakita ang bangkay sang biktima nga may pilas sa li-og.
Nakuha malapit sa lugar sang insidente ang suludlan sang binangon nga ginapatihan ginapanag-iyahan sang suspek.
Nagapuyo malapit lang sa balay sang biktima ang suspek kag base sa panaysayon sang ginikanan sang biktima, masami ini nga gina bastos sang iya lolo.
Nagpalagyo kaina sang kaagahon ang lolo suno sa iya mismo nga anak.
Sa karon nagapadayon ang imbestigasyon sang kapulisan sa natabo nga krimen kag padayon nga gina pangita ang lolo.