Shadow

168 ang napatay sa Covid-19 sa Bacolod sang Setyembre

Nagsobra pa sa doble ang kadamuon sang Covid-19 related deaths karon nga Setyembre kun ikumparar sang amo man nga bulan sang nagligad nga tuig nga may 76 ka mga nagkalamatay.

Kun basehan ang record sang Emergency Operations Center karon nga bulan, naga average sa lima ka Covid-19 deaths kada adlaw ang bacolod nga may yara man sang 109 average daily Infections tuga man sang mas makalalaton nga Covid-19 Delta variant.

Suno kay Dr. Chris Sorongon deputy for medical data and analysis sang EOC, nagapabilin pa nga epektibo ang mga tikang nga ginapatuman agud mapahagan hagan ang paglapta sang virus.

Gani magluwas man sa masupog nga covid 19 vaccination program mabaskog man nga nagapanawagan ang EOC sa publiko nga indi magduha duha nga magpakunsolta agud malikawan ang pagka utas sang kabuhi kun may ginabatyag nga simtomas sang Covid-19.

Kahapon isa ka 26 anyos nga babaye sa Barangay Villamonte dugang nga Covid-19 Delta variant sa siudad.

Isa man ka 47 anyos nga lalaki sa Barangay Mansilingan ang nalatnan sang beta variant sandig sa nag gwa nga resulta gikan sa Philippine Genome Center.

Sila ang liwat na nga ginpaidalom sa swab test kadungan sang ginpatuman nga lockdown sa ila panimalay.

Secured By miniOrangeSecured By miniOrange