Dagsa man ang mga naga pila para sa barangay kag SK registion sa Bacolod City, malawig man ang mga pila sa mga Comelec offices sa mga banwa kag siudad.
Yara na karon naga patuman sang satellite registration sa mall ang Comelec Bacolod agudto mas madamo pa gid ang pwede nila nga ma accommodate. Naga lab-ot sa 550 ka persona ang ma accommodate nila sa isa ka adlaw.
Pero, suno kay Bacolod Elections Officer Atty Kathrina Trinio-Cana, nga amo man sa karon ang OIC-Provincial Elections Supervisor, naga operate man sa maximum capacity ang mga election offices sagwa sang Bacolod.
Paathag niya basta barangay elections madamo gid man ang naga pa rehistro. Sa July 12 sini nga report, ilakip na ang Bacolod City, 16,256 ang tigayon nag apply sa voters registration.
Sa Agosto 1 natalana ang Election Registration Board hearing. Kalabanan sa mga naga pa rehistro karon mga naga pang edaron, 15-19 years old.