Ang National Commission on Indigenous Peoples ukon NCIP 10th Commission ang pormal nga na approve sang Certificate of Ancestral Domain Title ukon CADT para sa Bukidnon Indigenous Cultural Communities sa Negros Occidental.
Ini matapos ang 25 ka tuig nga legal process.
Ang desisyon ang na finalize sang NCIP En Banc session sadtong Mayo 27.
Sa NCIP page naka saad nga ini ang ginpamunuan ni NCIP Secretary kag Chairperson Nancy Catamco.
Ang na aprobahan nga CADT nagasakop sang 16,476.76 nga ektariya sang ancestral lands base sa official survey results.
Nalakip sa mga na tituluhan nga mga propiedad ang sa Barangay Codcod sa San Carlos City, Barangay Igmayaan sa Don Salvador Benedicto kag Barangay Minoyan sa Murcia.
Ang milestone nga desisyon ginakabig nga katapusan sang bureaucratic kag community process nga nagsugod sadtong 2001.*
[sibwp_form id=1]