Digicast Negros

16 tanan arestado sa iligal nga pabulang sa Manapla kag Bacolod

Manapla PNP photo

Siyam ka persona ang nadakpan sang kahapon bangud sang iligal nga pabulang sa Barangay Purisima sa banwa sang Manapla.

Nagpatigayon sang anti gambling operation ang operatiba sang Manapla PNP kag ila tigayon nga naaktuhan ang mga suspek nga naga bulang.

Tatlo ka patay nga manok kag 400 pesos nga cash ang nakuha sa lugar sang kapulisan. Duha naman ka persona ang naka palagyo.

Samtang, pito naman ka persona ang naaresto kahapon sang Police Station 9 bangud man sang bulang sa Barangay Punta Taytay sa Bacolod.

Suno kay Major Junjie Liba, sila ang nakabaton sang impormasyon angut sa pag pabulang sa Purok Mangga sa amo nga barangay kag gilayon nila ini gin aktuhan.

May mga nakapalagyo pa suno kay liba sang mag abot ang pulis pero may pito nga tigayon nga nadakop.

Tatlo ka manok ang na recover sang PNP kag 1,200 pesos nga bet money. Sa idalom sang alert level 2, wala pa gina pahanugutan ang pagbulang.

Exit mobile version
Skip to toolbar