Ang lalaki nga 16 anyos nga taga Dueñas, Iloilo, kag ang babaye nga 12 anyos ang gin-report nga missing sa Iloilo City. Suno sa DSSD, sang Enero 29 nag-abot sa Bacolod City ang apat ka menor de edad ukon duha ka pares sang magkahagugma gikan sa Iloilo.
Ginplano nila nga magpadulong sa Bais City, Negros Oriental, bangud taga-didto ang isa sa mga menor de edad.
Pebrero 2, ang duha ka menor de edad nga magkahagugma nagbalik sa Bacolod kag natabuan sa isa ka convenience store may concerned citizen nga nagbulig sa ila. Nadiskubrehan sang amo nga persona nga missing ang babaye nga bata, gani nakig angut siya sa otoridad.
Sunod kay Anjanette Servano, focal person sang Bacolod City Mendicancy Division, sang Pebrero 7 personal nga ginsugat sang MSWDO ang babaye kaupod ang iya pamilya, samtang nakabalik sa ila lugar ang lalaki.*
[sibwp_form id=1]