Hinali na lang nga naghilibiun samtang naga lakat sa dalan ining dalagita. Nasal-an pa nga naka inum kay naga ekis ekis ang iya pang lakaton. Gina pamangkot siya sang mga pumuluyo kun na ano siya pero wala siya naga sabat.
Sa unhan hinali na lang siya natumba gani buligan sang gwardiya kag didto siya naka panugid nga gintinghuaan siya nga dal-on sa sulod sang motel sang ila kaingod balay.
Naga kulurog samtang naga istorya ang desi sais anyos. Ginsugo siya mabakal sang sud-an. Nalabyan siya sang ila kaingod kag gin hambalan nga mag angkas na lang sa iya motor kay mabakal man ini sang sud-an. Kilala sang ila pamilya ang amo nga persona gani nag salig siya. Nakibot na lang siya sang naglab-ot na sila sa isa ka motel gani naglumpat siya.
Wala siya tigayon nga nasulod sa motel. Nagpalagyo gilayon ang ila kaingod sang naglumpat siya.
Wala untat ang pag kurog sang menor de edad naga palanig-a ang iya lawas sang nerbyos
Nagtawag sang tanod, pulis kag ambulansya sang tagdumalahan sang motel.
Ang ginikanan sang bata gintawgan kag ginpahibalo sang natabo. Dugay dugay nag abot na ang iya amay.
Istorya sang amay, wala pa maka lampuwas sa trauma nga gin agyan ang iya anak. May amo naman sini ang natabo. Biktima na nga daan sang rape ang bata
Suno sa Police Station 8 sa Bacolod, indi mahulog sa attempted rape ang insidente kay wala sila maka sulod sa premise sang hotel pero bangud sa natabo nga trauma sa menor de edad pwede mahulog sa child abuse ang kaso. Ginrefer na sang station 8 sa station 7 ang amo nga kaso kay sa ila area natabo ang pag angkas sa motor.
I-abisuhan man sang Women’s Desk nga ipaidalom sa psychiatric help ang bata para ma overcome niya ang gina batyag nga trauma.