Nagalab-ot na sa 150 ka mga peke nga PWD IDs ang na recover sang DSSD – Person with Disability Affairs Office humalin sang ginmando ni Mayor Albee Benitez ang pag recall sang na issue nga ID.
Ginsiling ni DSSD head Alma Gustilo nga kabahin sa mga na recall ang mga IDs nga gin surrender sang isa ka pamilya.
Wala na ginhingadlan ni Gustilo ang katapo sang pamilya.
Dungan sang pag recall sang PWD IDs ang ginapatuman nga validation kag cleansing process.
Sa malapit 12,000 ka mga na-issue sadto nga mga IDs may masobra 2,000 na ang nailisan kag nabutangan sang mga QR codes agud to mapaiway ang pagpameke.
Panawagan ni Gustilo sa mga commercial establishment nga i-honor ang mga daan nga PWD ids bangud kutob pa sa Abril 30 ang extended nga pag gamit sini sandig sa mando sang alkalde.