Sa paglibot sang Police Station 1 kag DSSD Anti-Mendicancy Task Force sa pagpatuman ang curfew for minors, tigayon nga na rescue ang kinse tanan ka mga menor de edad sa dalanon sang Bacolod.
Suno kay Dr. Richelle Verdeprado-Mangga, pamuno sang DSSD Bacolod, naabtan nila ang mga menor de edad nga yara sa gwa sang mall sa Barangay Mandalagan nga nagapasilong bangud nag ulan.
May naabtan man sila nga solvent boys sa Bacolod Public Plaza, upod ang 17 anyos nga naga sakit sang tiil gani gindala sa ospital.
Ang 15 ka menor de edad nga ginalakipan sang 11 ka mga lalaki kag apat ka mga babayi ang gindala sa Youth Home sa Barangay Vista Alegre para sa nagakaigo nga intervention.
Suno sa DSSD nga indi rescue ang solusyon sa problema kundi kinahanglan mangin responsable ang mga ginikanan sa pagtatap sa ila kabataan.
Sang nagligad nga semana may tatlo ka mga kabataan ang gin-rescue sa plaza matapos makalab-ot kay Mayor Greg Gasataya ng impormasyon nga naga pangayo kayo sila sa gwa sang fastfood chain nga may bitbit nga kutsilyo.
Una na nga na rescue kag gindala sa pasilidad sang gobyerno ang tatlo.