Amo sini ka dako sang kalayo nga nag ibwal sa Purok Kitahanon Baybay sa Barangay Banago kagab i.
Napulo tanan ka mga balay ang totally destroyed kag lima ang partially damaged.
Tungod sini 9 tanan ka pamilya ang nagapabilin sa Multi purpose building sa Purok Mahimulaton sa amo man nga barangay. Nalakip na diri ang 21 anyos nga si Jessa Flores nga nagabusong.
Istorya ni Jessa, naglumpat siya sa ikaduha nga panalgan sang ila balay sang makita ang nagadaba daba nga kalayo.
Sa pagpang usisa sang Bureau of Fire Protection nagsugod ang.kalayo sa balay ni Gerry Villamor nga katupad balay lang ni Flores.
Ang napabay an nga linuto ang ginapatihan sang BFP nga ginhalinan sang kalayo.
Kagab i nagbisita man si Mayor Albee Benitez sa mga nasunugan nga yara sa evacuation center.
Gilayon nga nanghatag man sang hygiene kits kag mga sleeping mats ang DRRMO kag DSSD sa mga pamilya nga nahalitan sang sunog.
May mga grupo kag organisasyon man nga nagpalab ot sang ayuda sa ila.
Gani bisan paano nabuhinan ang palaligban sang mga nasunugan.
Nagpasalamat man si Flores pero handum niya nga makabalik sa ila ilistaran antes siya magbun ag sang lapsag sa Enero.
Kaina Pila man sa mga nasunugan ang nagbalik sa lugar agud manguha sang scrap nga sarang nila mabaligya.
Ginakabig danger zone sang siudad ang lugar nga gina istaran sang mga nasunugan pero nagalaum gihapon sila nga makabalik sa bangud diri naka sandig ang ila palangabuhian.