15 sa mga alkalde sa probinsya ang pabor sa charter change.
Samtang may yara man gid sang gina patigayon nga signature campaign para sa people’s initiative pero ini ang gina pamunuan sang pribado nga ma grupo.
Ini suno kay Negros Association of Chief Executives President, Victorias Mayor Javier Miguel Benitez.
Sa iya inisyal nga pag check sa mga alkalde may 15 nga pabor sa charter change.
Kun paano ini ipatuman kag kun bala bahin lamang sa economic provisions ang tandugon, suno kay Benitez wala pa nila nga matalakay ini.
Ang importante una suno sa iya amo nga may yara sang malab-ot na consensus.
Naglab-ot man sa igtalupangud ni Benitez nga may yara sang gina patigayon nga signature drive para sa people’s initiative sa pila na ka lugar sa probinsya.
Pero klaro niya ang mga naga pamuno sini indi mga opisyal sang gobyerno.May yara man sa Victorias City.
Suno kay Liga ng mga Barangay Presidente – Negros Occidental Chapter, Richard Julius Sablan nga gikan sa Victorias wala sang kahilabtanan ang Liga sa amo nga lihok.