Nag surrender sa tropa sang army sang Domingo ang 15 ka mga katapo sang rebeldeng New People’s Army sa Negros Oriental.
Sila ang gin abe-abi sa headquarters sang 94th Infantry Battalion sa banwa sang Ayungon.
Upod sa ila pag surrender ang mga armas.
Ila gin sungka ang isa ka M4 rifle, duha ka 38 caliber revolver, isa ka homemade shotgun kag isa ka rifle grenade.
Ginpahayag sang mga anay katapo sang rebeldeng hublag nga sila ang nag desisyon nga mag balik sa sabak sang gobyerno bangud sang gutom kag ang wala naga tupa nga gin promisa sa ila sang rebelde nga grupo.
Padayon man ang panawagan sang army sang pag surrender sang mga nabilin pa nga katapo sang grupo paagi sa pag bulig man sa ila sang gobyerno.