15 ka mga commercial establishment sa Bacolod ang ginpapanaugan sang notice of closure tungod wala sang business permit.
Sa random mapping inspection sang katapo sang City Legal Office Integrated Task Force natalupangdan ang 25 tanan ka mga commercial establishment sa dalan Burgos, Luzuriaga kag Ylac sa Barangay Villamonte nga lunsay wala sang mga business permit.
Gani sang ini lang nga semana, liwat nga ginbalikan sila sang task force.
15 ang wala gihapon sang business permit kabangdanan nga ginserbe sa ila ang notice of violation kag closure. Kabahin diri mga baligyaan kag kalan-an.
Suno kay City Legal Officer, Atty. Romeo Carlos Ting, Jr. , may siyam ang naga proseso na sang permit kag isa ang naka secure na sang permit sa negosyo.
Nagpaandam na ang CLO nga sa ila masunod nga pagbalik pasirad-an na nila ang mga baligyaan nga wala naka-proseso kag naka secure sang kinahanglan nga permit.