Shadow

15 anyos nga solterito adlaw adlaw nga gina aba ang iya amay

YouTube player

Las siyete pa lang sang aga naga halin na sa Barangay Buenavista sa banwa sang Murcia ang mag amay nga Val kag Rex Valientes.

Si Rex gin bun-ag nga may polio gani indi maka lakat.

Gani gina aba lang siya ni sang iya ika duha nga anak nga si Val. Rekta na sa dila sa dalan Burgos. Adlaw adlaw diri sila naga plastar.

Gina aba sang kinse anyos nga si Val ang iya nga amay nga kwarentay singko anyos nga si Rex Samtang naga pangayo-kayo sang limos sa mga salakyan nga naga nilabay.

Ulan kag init ang ila pangontra pati na ang peligro sa dalanon kag virus pa gid nga dala ang pandemic.
Suno kay Val, kun adlaw ini ang iya upisyo kag kun gab-i naman amo ang pagsabat niya sa iya mga module.

Soltero pa lang si Rex amo na ni ang iya source of income. Nakahibalo man siya nga indi pwede ang iya gina himo kay sa idalom sang Anti-Mendicancy Law, iligal ang pag hatag sang limus…ini para indi mag salig ang mga naga pangalimos kag padayon nga mag tinir sa dalanon.

Pero para kay Rex kun indi siya mangalimos wala man siya may makuhaan sang inugpakaon sa iya pamilya. Sa Brgy. Buenavista murcia pa sila naga puyo.

Halin las otso sang aga asta na maghapon nga karga karga ni val sa iya nga likod ang iya amay. Masakit, makapoy pero ok lang kuno.. Nahangpan niya nga diri sila naga salig.

Siling ni Rex mauntat lang siya sa pagpangalimus kun may gamay siya nga negosyo sa ila nga lugar nga maka tustos sa mga kianahanglanon nila sa pang adlaw adlaw kag kun makatapos na sa pag eskwela ang iya subang nga desi otso anyos na subong.

Kun gina saway sila sa dalanon wala man sila sang may mahimo kundi magpahigad kag magpauli. Pero wala man sila naga ka zero kuno sa kada adlaw kay may yara gid sang mga motorista nga naga hatag sang limos sa ila.

Secured By miniOrangeSecured By miniOrange