Nasapwan Biyernes sang aga ang bangkay sang babaye nga estudyante sa Sitio Natuling, Barangay Budlasan sa siudad sang Canlaon sa Negros Oriental.
Base sa impormasyon gikan sa PNP, nagatabok sa suba ang 15-anyos nga babaye upod ang iya pakaisa kag tiyo.
Ugaling naanod sila sang mabaskog nga daludo sang tubig.
Nalumos ang estudyante, samtang nakaluwas ang iya pakaisa kag tiyo.
Residente sang Barangay Puso sa banwa sang La Castellana, Negros Occidental ang biktima.
Papauli na kuntani ang tatlo sang sila ang naanod sang tubig sa suba sadtong Miyerkules, sa boundary sang Brgy. Puso kag Brgy. Budlasan.
[sibwp_form id=1]