Nakabaton Hwebes sang aga sa BCGC lobby ang 145 ka households nga nasunogan sa Barangay 27 sang Setyembre 2025 sang financial assistance sa idalum sang Emergency Housing Assistance Program (EHAP) sang National Housing Authority.
144 ka households nga totally destroyed ang ila mga balay ang makabaton sang tig-30,000 pesos, samtang isa ka household nga partially damaged ang balay ang makabaton sang 10,000 pesos.
Sa amo nga sunog masobra 200 ka pamilya ang nahalitan.*