Arestado subong nga aga ang 47 anyos nga si Ruel Mirambel matapos ini makuhaan sang duha ka kilo sang suspected shabu sa buybust operation sa sulod sang public cemetery sa Barangay Bagacay sa siudad sang Dumaguete.
Suno sa hepe sang Dumaguete PNP nga si PLt. Col. Joeson Parallag, ginabulubanta naga balor sang 14 milyones pesos ang nakuha nga iligal nga droga sa suspek nga isa ka courier suno sa pulis.
Dugang pa ni Parallag, ginpahayag sang suspek nga iya nakuha ang supply sang iligal nga droga sa San Carlos City kag ila pa ginahibalo kun bala ini siya ang miyembro sang isa ka drug group.
Detained na siya karon sa Dumaguete PNP.