May 1,371 ang tigayon nga nag padulong sa Commission on Elections sa bilog nga Negros Occidental sa una nga duha ka adlaw nga pag resume sang voter registration.
Suno kay Provincial Elections Supervisor, Ian Lee Ananoria, ini sila ang nag apply for voter registration lakip na iban pa gid nga sahi sang application kaangay sang transfer of registration sa COMELEC.
Ang COMELEC – Bacolod, sa kinaandan ang may pinaka madamo nga nag-apply for voter registration kag iban pa gid nga transaction – 365. May yara man sang register anywhere program sa COMELEC – Bacolod.
Ginsiling ni Ananoria, nga manubo pa ang turn-out subong. Una suno sa iya, ikatlo pa man lamang nga adlaw sang resumption sang voter registration, ika duha malawig pa ang registration nga maga takop sa May 18, 2026 kag ikatlo, basi man wala pa sang higayon nga maka pa rehistro ang iban.
Sa karon gina paabot sang COMELEC ang desisyon sang Korte Suprema sa gin-file nga opposition sang abogado nga si Romulo Macalintal sa gin-paisol nga Barangay kag Sangguniang Kabataan Elections.
Ang desisyon sang Korte Suprema ang maga pat-od kun bala sa Nobyembre 2 na gid man sa 2026 ang BSKE ukon sa sini nga December ang piniliay.
Suno kay Ananoria, ano man ang mangin desisyon, sa bahin sang COMELEC padayon lamang ang ila nga pagpanghanda.
“They should look out the Supreme Court might come up with the decision sa Macalintal case, depende sa Supreme Court. Pero until now, effective ang law nga sa November 2 pa ang election. Those interested to register, so far ga register man, or sa iban basi wala pa man opportunity”, suno kay Ananoria.