May kapin sa 1,300 ka mga hotel management kag tourism students gikan sa 22 ka mga eskwelahan sa Negros Island Region ang nagtambong sa tuigan nga COHREP.
Tuyo sang convention nga ginhiwat sang Council of Hotel and Restaurant Educators of the Philippines- Negros Island and Siquijor Chapter nga mapasangkad ang skills sang mga estudyante kag ihanda sila sa mga posible nga kahigayunan sa luwas sang pungsod.
Ginsiling ni Ivan Catalan, Chairperson sang COHREP 2026, may ara sang 10 ka mga international companies nga nagpakigbahin sa exhibit kon sa diin ini man ang magahatag sang posible nga employment sa mga manug-graduate nga estudyante.
Suno sa iya, mas dako ang oportunidad nga nagahulat sa mga estudyante sa luwas, rason nga kinahanglan pa gid nila mapasangkad ang ila nga skills kag ihibalo agud ma-qualify sila sa international standards.
Isa sa mga nagtambong amo ang 21 anyos nga si Emmanuel Rodico isa ka 3rd year Bachelor of Science in Hotel Management Major in Cruiship Service.
Suno sa iya, mas ginakonsidera niya nga magtrabaho sa mga hotels kag restaurants sa abroad bangud mas dako ang sweldo didto kaysa diri sa Pilipinas.
Ginahiwat sang COHREP ang amo sini nga convention kada tuig. Sa sini nga tuig, nangin co-host ang John B. Lacson Colleges Foundation-Bacolod.*
[sibwp_form id=1]