13 ka mga pamilya ang gin-evacuate matapos maguba ang ila nga mga balay bangud sang makusog nga hangin sang Mayo 31.
Suno sa Bago City Disaster Risk Reduction Management Office may mga nagkalaguba nga balay tuga sang makusog nga hangin sa Barangay Taloc, Dulao kag Busay.
As of press time suno kay Dr Merijene Ortizo gina pat-od pa kun bila ka balay ang nagkalaguba.
Ang mga apektado nga pamilya ang naga tenir sa ila nga mga himata. Samtang, may 20 naman ka mga banwa kag siudad sang Negros Occidental ang nag-suspend sang klase lakip na ang Bacolod City.
Ini ang naga lakip sang Pontevedra, Calatrava, Sipalay City, Isabela, Murcia, EB Magalona, Himamaylan, Talisay City, Silay City, Moises Padilla, Pulupandan, Binalbagan, Kabankalan City, Don Salvador Benedicto, San Enrique (1PM), Valladolid (1PM), Candoni, Hinigaran (12NN) kag Hinoba-an (12NN).