Moisture stress sa mga pananum ang gin-report sa 13 karon ka mga LGU tuga sang gina eksperiensya nga dry condition dala sang El Niño.
Ginsiling ni Irene Bel Ploteña ang pamuno sang Provincial Disaster Risk Reduction Management Office, sa October 1 nga report sang Office of the Provincial Agriculturist may 1,413 ka ektriya sang mga palay ang gin report nakitaan sang moisture stress.
Ini ang sakop sa mga talamnan sa sa San Carlos City, Toboso, Don Salvador Benedicto, Escalante City, Cadiz City, Sagay City, Moises Padilla, Hinigaran, Isabela, La Castellana, Cauayan, Ilog kag Kabankalan. May 91.83 hectares man sang maisan sa Toboso ang nakitaan sang moisture stress.
Paathag sang DOST PAGASA ang moisture stress naga tumod sang kondisyon sang pananum nga wala nakabaton sang naga kaigo nga tubig nga masami tuga sang low ukon delayed rain fall. Ini ang naga apekto sang ila nga normal nga pag tubo.
Paathag ni Ploteña sa forecast sang DOST PAGASA maayo pa ang kondisyon sa Negros Occidental bangud may pag tupa pa sang ulan sa pila ka mga banwa kag siudad. Pero sa report gikan sa mga LGUs na eksperiensyahan na ang mga dry condition.
Ang dry condition naga tumod sa below normal nga rain condition sa sulod sang duha ka sunod-sunod nga bulan.
“Duha be ang possible nga maging effect sang El Niño. During the time, ang aton nga bagyo season is October to December so there is a possibility ya nga sa aton basi may ma experience pa kita nga isa ka daku nga bagyo and then ang isa naman ya is of course may ara kita sang dry condition. Based sa forecast ni PAGASA is that maka experience pa ta bagyo but may ara man nga projection nga by end of November basi maka experience na ta amat-amat sa init nga panahon compared sa gina experience ta nga temperature like for example sang last year or the previous years”, suno kay Ploteña.
[sibwp_form id=1]