13 ka mga commercial establishment ginpasirad an sang City Legal Enforcment Unit sa downtown area kag duha pa ka mga barangay sa Bacolod. Anum tanan ka mga commercial establishment sa plaza mart kag bargain square mall nga wala sang business permit ang ginsirad-an sang City Legal Office Enforcement Team kahapon.
Sa Barangay Taculing, may tatlo pa ka baligyaan ang ila man gin issuehan sang closure order bangud wala sang permit.
Sini nga hapon may apat pa ka mga kalan-an kag baligyaan ang ginpasirad-an sa Barangay Mansilingan.
Ginpahayag ni City Legal Officer, Atty. Romeo Carlos Ting, Jr., nga kabahin sa mga napasirad-an ang nalakip sa 77 ka mga napat-ud wala nakakuha sang Mayor’s Permit sang ila ginpatigayon ang mapping operation.
Samtang, may duha sa mga commercial establishment nga nasirad-ad sa Plaza Mart sang nagligad nga semana ang gilayon ginbuksan sang maka secure sang permit gikan sa siudad.