Trese ka mga close contact sang apat ka mga dugang nga Covid-19 Delta variant cases sa Bacolod ang negatibo sa virus.
Apat tanan ka mga babaye ang dugang nga Covid-19 Delta variant cases sa Bacolod. Nalakip diri ang 55 anyos sa Barangay Villamonte, 78 anyos sa Barangay Singcang-Airport, 25 anyos sa Barangay Taculing kag 31 anyos nga taga Barangay Vista Alegre.
Sila ang recovered na suno kay Em Ang, executive director sang Bacolod Emergency Operation Center.
Nag gwa nga negatibo man sa virus ang resulta sang RT-PCR test sang trese tanan ka mga indibidwal nga close contact sang apat ka mga dugang nga kaso sang Covid-19 Delta variant.
Ang Bacolod ang may napulo na ka mga Covid-19 Delta variant cases.
Gani padayon ang hugot pagpatuman kag panawagan sang EOC sa publiko nga magsunod sa minimum health standard protocol kag pagpaiway sa mga pagtililipon agud malikawan ang paglaton sang Covid-19.