Humalin sang ginsuguran sang Task Force Kontra Colorum Tricycle ang kampanya sang Pebrero 20, naglab-ot na sa 1,237 ka mga tricycle kag e-trike ang nasikop asta sang Marso 24 karon nga tuig.
Sa record sang Bacolod Traffic Authority Office may 198 diri ang na-impound.
Pero sang nagligad lang nga Martes isa ka silent protest ang ginhiwat sang katapo sang Tricycle Operators and Drivers of Handumanan nga nanawagan nga mapabaskog pa ang pagpanakop sang colorum nga tricycle kag e-bike nga nagalaksam sang ila rota.
Suno kay Councilor Al Espino nga amo ang chairman sang Task force, mismo ang mga lideres sang TOHDA ang kabahin sa mga gin-deputize sang Task Force agud bantayan ang ila hanay kag manakop.
Natalana siya magsapol sa mga lideres sang TOHDA sa siudad agud mapabaskog pa ang kampanya ilabi na nga kun basehan sa ila nga record, may masobra lang sa 5,000 ang lehitimo nga nagabyahe sa malapit 16,000 ka mga tricycle nga nagabyahe sa Bacolod.