Duha ka mga duktor sang City Health Office sang Bacolod ang nalakip sa 12 ka mga empleyado nga ginpanaugan sang Bacolod City Government sang show cause order.
Ginsiling ni Atty. Karol Joseph Chiu, ang City Legal Officer, ang isa sa duha ka duktor ang ginreklamo sang iya mismo nga mga staff sa CHO bangud iya ini ginapangbuyayaw.
Samtang ang isa naman ang ginreklamo bangud sa insensitive nga mga pahayag sa isa ka pasyente. Ini ang ginreklamo mismo sang nanay sang isa ka rape victim.
May isa man ka nurse sa CHO ang ginhatagan sang sanction bangud sa habitual tardiness kag absences.
May tatlo naman ka empleyado sang General Services Office ang tigayon ginkakas na sang siudad bangud sa malawig nga absence without leave ukon AWOL.
Pormal naman nga ginpasakaan sang kaso ang apat ka mga empleyado sang City Engineer’s Office bangud sa mga nag-expire nga mga semento sa bodega nga natukiban sang nagligad nga tuig.
Neglect of duty naman ang ginpamatbat sa isa ka empleyado sang City Tourism Office bangud sa unliquidated Cash Advance nga nagdangat na sa 2.5 million pesos.
6 months suspension man ang gindagdag nga sanction sa isa ka empleyado sang Bacolod Environment and Natural Resources Office bangud nagserbe nga fixer.
Suno kay Chiu, ini ang magaserbe na nga warning para sa mga iban pa gid nga mga empleyado.*
[sibwp_form id=1]