May 12 ka mga banwa kag siudad sa Negros Island Region ang padayon nga naga operate sang open dumpsite.
Ini base sa report ni Department of Environment and Natural Resources Regional Director, Charlie Fabre sa quarterly meeting sang Regional Development Council nga gin patigayon sang nagligad nga semana.
Nakasaad sa report nga ang Binalbagan, San Enrique, Valladolid, Isabela, Don Salvador Benedicto, Cauayan kag EB Magalona sa Negros Occidental kag Guihulngan City, Jimalalud, Bindoy, Sibulan kag Bacong sa Negros Oriental ang may yara sang opend dumpsite.
Sa idalom sang Section 37 sang RA 9003 ukon ang Ecological Solid Waste Management Act of 2000 suno kay Fabre, gina mando ang pagsira sang mga open dumpsite kag pag dumili sini.
Ang mga LGU ang gina require man sa pag convert sining open dump site sa isa ka controlled dumpsite sa sulod sang tatlo ka tuig humalin sa effectivity sang laye kasubong man ang pag untat sa pag gamit sang controlled dump site sa sulod sang lima ka tuig.
Suno sa DENR sandig sa Local Government Code ang mga local government units ang responsable sa pag patuman sang laye sa ila nga tagsa ka jurisdiction.*
[sibwp_form id=1]