12 tanan ka mga commercial establishment ang gin issuehan sang closure order sang City Legal Office Integrated Task Force sa Bacolod humalin sang Martes.
Nalakip sa napasirad-an ang rtw kag department store sa kilid sang daan nga city hall sa Luzuriaga street.
May yara man sang laundry shop kag kalan-an sa dalan Lopez Jaena.
Natukiban nga wala sang business permit ang amo nga mga komboyahan kabangdanan nga ini ang ginapasirad-an.
May pito pa ka mga commercial establishment nga na issuehan sang closure order ang natalana pasirad-an sang katapo sang task force sa madasun nga semana.
Sa record sang Business Permits and Licensing Office, Kabahin ini sang 140 tanan ka mga commercial establishment nga sang nagligad pa nga tuig wala na-secure sang permits gikan sa siudad.